Afhayeenka Alshabaab Sheekh Cali Max’uud Raage Cali dheere oo ka hadlay dagaaladii saaka ka dhacay Degmada C/casiis ee W/qooyiga Muqdisho ayaa guulo ka sheegteen dagaaladaasi inay ka gaareen.

Sheekh Cali Dheere ayaa sheegay inay kala wareegeen Ciidamada Dowladda KMG fariisimo ay ku lahaayeen Xaafadaha Degmada C/casiis ee W/qooyiga Muqdisho halkaasi oo ay ka dhaceen dagaalo gaar ahaan Hotel Global.

Dhanka kale afhayeenka Wasaarada Warfaafinta Dowladda KMG ee Soomaaliya C/risaaq Qeylow oo dhanka dowladda KMG uga hadlay dagaaladii saaka ayaa dhankooda sheegay inay guulo ka gaareen.

C/risaaq Qeylow ayaa shegay qasaare inay soo gaareen Ciidamada Dowladda KMG hase yeeshee qasaarahaasi inta ay la egyihiin ka gaabsaday inuu sheego.

Ugu danbeyntii xaalada W/qooyiga Muqdisho ayaa ah mid kacsan oo laga maqlayo rasaas goos goos ah oo labada dhinac isku weydaarsanayaan xaafadaha Degmadaasi.

Halkaan Ka Daawo