Kullanka Madaxweynaha Dowladda KMG Sheekh Shariif Sheekh Axmed iyo Ra’iisul Wasaaraha Dalkaasi Gordon Brown waxa uu ka dhacay Xafiiska Ra’iisul Wasaaraha Ingiriiska waxa uuna ahaa kullnakaasi mid albaabada uu u xirnaa.
Madaxweynaha dowladda KMG iyo Ra’iisul Wasaaraha Dalka Ingiriiska ayaa isla soo qaadeen Xaalada Dalka Soomaaliya iyo xariirka labada dal, iyadoona ay meesha ka marnayn sii daynta Lamaanayaasha u dhashay dalkaasi inay kaalin ka qaataan dowladda KMG iyo sidii looga hortagi lahaa kooxaha Burcad Badeeda Soomaalida.
Sidoo kale Madaxweynaha Dowladda KMG ee Soomaaliya sheekh Shariif Sheekh Axmed ayaa kullan la qaatay Wasiirka Arrimaha dibada iyo Baarlamanka dalka Ingiriiska waxayna ka wada hadleen Arrimaha amaanka, Siyaasada iyo Dhaqaalaha.
Madaxweynaha Dowladda KMG ee Soomaaliya Sheekh Shariif Sheekh Axmed ayaa xalay xarunta Cilmi Baarita ee Chatem House ka jeediyey Dhudbad uu kaga hadlay Xaaladaha ka jira Dalka Soomaaliya iyo qaabka looga gudbi karo xaaladaha adag ee ka jira Dalka Soomaaliya.
Ugu danbeyntii Madaxweynaha Dowladda KMG oo muddo 3-cesho ah ku sugnaan doona dalka Ingiriiska ayaa kullamo kala duwan la qaadan doona Jaaliyadaha Soomaalida iyo madaxda Dalka Ingiriiska kuwaas oo qaar ka mid ah kullamo kula qaatay Magaalada London ee Dalkaasi.
