Saraakiisha Ciidamada Ururka Xizbul Islaam Gobolka Hiiraan ayaa sheegay howlgalo ay ku baacsanayeen kooxaha burcada ah ka sameeyeen Degaanka Ceelgal ee waqooyiga Magaalada B/weyn ee Xarunta gobolka Hiiraan.

Ciidamadan oo watay gaadiid dagaal ayaa howlgaladan ka sameeyeen Wadooyinka dhinaca Waqooyi ka soo gala Magaalada B/weyne gaar ahaan Isgoyska Kalbeyrka iyo Deegaanka Ceelgaal ee Gobolka Hiiraan.

Saraakiisha ciidamada Amaanka ururka Xizbul Islaam gobolka Hiiraan ayaa sheegay howlgalkan ay ka sameeyeen dhanka Waqooyiga magaalada B/weyne ay timid kadib cabasho ka soo yeertay dadka deegaanadaasi iyo wadayaasha gaadiidka Xamuulka oo dhibaatoyin kala kulmeen kooxo burcad ah oo wadooyinkaasi gaadiidka ku dhacaan.

Ugu danbeyn Ururka Xizbul Islaam Gobolka Hiiraan ayaa howlgalo marar badan ka sameeyeen ku soo qabqabteen kooxo burcad ah oo dhibaatooyin kala duwan kula kaceen dadka rayidka ah ee saran gadidka xamuulka iyo kuwa ku nool deegaanada waqooyiga Magaalada B/weyne ee xarunta gobolka Hiiraan.

Halkaan Ka Daawo