Ciidamo aad u fara badan oo Itoobiyaan ah ayaa maanta barqadii soo buux dhaafiyay deegaanada Jawiil iyo Kalabayrka ee gobolkaasi Hiiraan, iyadona arrintaasi ay cabsi weyn ku abuurtay dadka ku dhaqan deegaanadaasi iyo kuwa Hiiraan.
Ciidamada Itoobiyaanka oo tobaneeyo gaadiidka dagaalka ku qalabeysan ayaa la sheegay in maalmihii lasoo dhaafay ay dhaq dhaqaaq xoogan ka wadeen deegaanadaasi isla markaana ay saaka usoo ruqaansadeen dhanka Gobolka Hiiraan.
Warar madax banaan ayaa sheegaya in ciidamada Itoobiyaanka ay kusoo jeedaan tuulooyin dhaca woqooyiga magaalada Baladweyne oo ay gacanta ku hayaan ciidamada Xisbul Islaam.
Dadka rayidka ah ee ku dhaqan tuulooyin aysoo galeen ciidamada Itoobiyaanka ayay cabsi xoogan lasoo gudboonaatay, waxaana qaarkod ay hadda bilaabeen in ay isaga cararaan goobahaasi.
